1. HUWELIKSERTIFIKAAT: ‘n Soort jaglisensie wat jou tot een bok beperk.
2. KREDIETKAART: Iets waarvan die limiet ook die mikpunt is.
3. VLEISBRAAI: ‘n Partytjie waar die kos so ‘n bietjie rou en die gaste so ‘n bietjie gaar is.
4. BABA: ‘n Soort engel waarvan die vlerke korter word namate die bene langer word.
5. BABAWAENTJIE: Verlede jaar se pret op wiele.
6. BEGROTING: Iets wat jou laat wakker lê nog voor jy jou geld bestee.
7. DIEET: ‘n Manier van maer word waarvoor jy gou dik word.
8. ETENSTYD: Die enigste tyd wanneer ‘n kind nie wil eet nie.
9. GESINSVAKANSIE: Wanneer jy alles saamneem waarvan jy eintlik wil wegkom.
10. GEWETE: Iets wat pla as alles baie lekker gaan.
11. KORTPAD: ‘n Pad waarop jy niemand kan kry om jou te sê waar jy is nie.
12. UNIVERSITEITSGRAAD: Kwitansie wat ‘n kind ontvang vir die rekening wat pa betaal het.
13 MIDDELJARE: Wanneer jy jou emosies vir simptome verruil.
14. PREDIKANT: Ses dae is hy onsigbaar en die sewende dag is hy onverstaanbaar.
Alta Cloete 
Truie — kledingstuk wat kinders dra as ma koud kry
Rol die tong-in-die-kies-wyshede van kies tot kies!
🙂 🙂