‘n Anderste leeskring

Ek is lid van ‘n leeskring met ‘n verskil. Ons funksioneer heeltemal informeel en daar word geen formele vergaderings met ‘n voorlegging oor ‘n spesifieke boek gedoen nie. (Kyk heel onder vir vanjaar se program.)

Ons is vyf mense met redelik verskillende leessmake. Ons vergader eenkeer per maand, maar heeltemal informeel. Ons werk wel die einde van die jaar ‘n program vir die volgende jaar uit. Ons doen egter meestal nie  een spesifieke boek nie. Soms neem ons ‘n skrywer (meestal Afrikaans), soms ‘n onderwerp, soms bring elkeen bloot ‘n boek wat sy geniet het. Sodoende word ons elkeen met elke kuier aan ‘n verskeidenheid boeke blootgestel. Natuurlik ruil ons dan ook baie boeke onder mekaar uit. Met Karel Schoeman het ek byvoorbeeld van sy ouer boeke gelees en van die ander die lywige nuwes en kon ons lekker vergelyk daartussen. Enigiemand wat lus is, bring gewoonlik ook meer inligting oor die skrywer saam, dikwels van Litnet af.

Hier onder volg ons program vir die 2010:

28 Jan              Poësie

25 Feb             ’n Liefdesverhaal

Maart               Die Woordfees                        Stellenbosch

29 Apr             Karel Schoeman

27 Mei             S.A.-kunstenaar

24 Jun              Kookkuns

29 Julie            Musiek

26 Aug             Marlene van Niekerk

30 Sep              Nuwe Afr. roman

28 Okt              Ernest Hemingway

25 Nov            Afsluiting & Beplanning

Ons program vir

Jan.                          Poësie

Feb.                     Nuwe Afr. roman

Maart        Nobelpryswenner (Letterkunde)

April         Besoek uitstalling?

Mei                 Enige beeldhouer

Junie            Ian McEwan

Julie                 Klassieke musiek (biografie)

Aug.                  Elsa Joubert

Sept.           Reisverhaal

Okt.                Santa Gamka

Nov.         Afsluiting