RSS

Category Archives: Spiritueel

Hekel en word heel: Onderhoud met Nadia de Kock

  1. Hekel en word heelVertel ons ietsie oor jouself? Vorige boeke? Is jy self ‘n hekelaar? Wat beteken hekel vir jou persoonlik?
    Ek woon in Johannesburg en werk in Inligtingstelsels. Ek het twee romans op my kerfstok: Sabina’s (onder die skrywersnaam Nadia de Wet) en Heildronk op ‘n Gypsyromp. Dit het onderskeidelik in 2008 en 2010 verskyn. Ek het vir lank nie geskryf nie omdat Inligtingstelsels my ingesluk het. Ek hekel self, maar sal my nie uitgee as ‘n voorslag nie! Ek geniet dit vreeslik en dit help my beslis om stres te ontlaai. Al die tellery help geweldig: mens kan mos nie tel en stres tegelyk nie.
  2. Vertel ons meer oor Hilda Steyn? Wat is haar spesifieke bydrae tot die boek? Wat is haar agtergrond?
    Hilda hekel en brei al vandat sy vier jaar oud is. Sy het in 2013 begin ontwerp en het ‘n groot aanhang. Haar Facebookgroep “Ilona’s slow living” is baie gewild en sy maak gebruik van vertalers en toetsers van regoor die wêreld. Sy het al die motiewe en patrone vir die boek ontwerp.
  3. Hoe het julle mekaar leer ken?

Toe ek en Marida Fitzpatrick van LAPA op die konsep van die boek besluit het, het Christelle Botha (van die “Ons Hekel Facebook-groep) voorgestel dat ek met Hilda gesels en ons samewerking het daar begin.

  1. Hoe lank is daar aan die boek gewerk?

Ons het middel-September 2018 begin: 6 maande dus. Die hekel self het lank gevat: patrone moes ontwerp word en toetsers moes hekel, toets en terugvoer gee.Nadia en Hilda.jpg

Hilda (links) en Nadia – foto deur Di O’Donovan Read the rest of this entry »

 

Sleutelwoorde: , , , , , , , ,

Dagboek van ‘n depressievegter: Wanneer die son weer opkom

Depressievegters ken daardie gevoel – jy gly dieper en dieper in die donker put af.

Maar as jy lank genoeg en verbete genoeg aanhou veg, gebeur die wonder ongemerk en soms onverklaarbaar:

Die wande is steeds glad, maar jou naels begin stadig vatplek kry. Al breek en bloei hulle. En jy klou.

En onder wag … Wat? Dalk maar net die ewige donkerte. En jy weet dis nie wat jy vir jouself Read the rest of this entry »

 

Sleutelwoorde: , , , , , , , ,

Random gedagtes: Om bewustelik te leef

‘n Geslag of twee gelede het die meeste van ons se ouers en grootouers so hard gewerk om meestal groot gesinne te versorg, dat daar eenvoudig nie genade was vir luukses soos emosionele sorg, berading, terapie van enige aard, bekommernisse oor ‘n kind se selfbeeld of ‘n verskeidenheid van bedrywighede nie. Geld was skaars en dit het dikwels meet en pas gekos om kinders gevoed en geklee en geleerd te kry.
Vandag is die meeste van ons (wat hier kan lees, in elk geval) in die posisie dat kos en klere heelwat laer op ons prioriteitslysies kon skuif. Natuurlik steeds belangrik, maar nie meer ons primêre dryfkrag nie. Ons is nou bekommerd oor die kalorieë in ons kos en die etikette aan ons klere, nie meer oor of ons genoeg daarvan het nie. (Die term genoeg het in elk geval ‘n heel nuwe betekenis gekry.)
Deesdae het ons die luukse om aan ons eie en ons geliefdes se emosionele gesondheid en spiritualiteit te kan aandag gee. Ons kan praat Read the rest of this entry »

 

Sleutelwoorde:

Random gedagtes: Kreatiwiteit

Kreatiwiteit is ‘n mooi woord wat deesdae oral rondgegooi word. Die Engelse creativity kan seker netso goed vertaal word met skeppende vermoë. Maak nie regtig saak nie – albei slaan op die feit dat iets nuuts geskep word. En op dié manier bring albei ons uit by die Skepping, met ‘n hoofletter. En die Skepper van die Skepping.
Wat my tot die diep (en logiese!) insig gebring het dat om iets te skep, vir die mens is om ‘n klein, klein, kléín ietsie van die Skepper te beleef. En dis hoekom om so naarstigtelik Read the rest of this entry »

 
 

Sleutelwoorde: , , , ,

Depressie: ‘n eenvoudige waarheid

“Depressie bied die moderne mens die kans vir ‘n helde-reis na binne en vir die moderne man bied dit ‘n Read the rest of this entry »

 

Sleutelwoorde: , , , ,

Lucas Maree: Aan almal wat reis en weggaan

Onderstaande pragtige stuk deur Lucas Maree het ek op Litnet raakgesien:
Al lê die berge …
Ons leef heeltemal te gulsig. Ons is bang ons kry nie alles gedoen nie, en ironies genoeg, kry ons selfs die goeters wat ons doen, nie gedoen nie. Nie heeltemal nie, want jy jaag so vinnig as wat jy kan om by die plekke te kom waar die eintlike goeters gebeur. Die goeters wat jou bankbestuurder laat glimlag.
Die tussenin plekke is leë plekke, en móét jy dan daardeur om by een van die belangrike plekke te kom, maak jy seker dat jy nie tyd daar vermors nie. Mens raak so gewoond aan hierdie houding dat jy naderhand selfs jou Read the rest of this entry »

 
4 Kommentaar

Posted by op 25/02/2011 in Skrywers, Spiritueel

 

Sleutelwoorde: , , , ,

Fliek: Eat, pray, love

Ek het myself mos belowe ek gaan nie weer ‘n boek lees en daarna die fliek kyk nie. Wel, ek het toe gister vir Eat, pray, love gaan kyk sonder om die boek te lees. Ek sal seker nou eers die boek in die hande moet kry voor ek kan besluit oor die geslaagdheid van die poging.
Die fliek is vol mooi tonele en mooi mans (en natuurlik Julia Roberts) – sy beweeg immers van New York na Italië na Indië na Bali. Enige vrou kan seker op een of ander stadium van haar lewe identifiseer met die hoofkarakter se behoefte om weg te kom en haarself te vind. Maar selfs sonder die boek as agtergrond kon ek voel hoe oppervlakkig die fliek oor die kwessies skeer. Haar uitbreek en egskeiding aan die begin is byvoorbeeld vir my heeltemal ongemotiveerd en onoortuigend. Ek weet nie of duisende vroue nou na die Ooste gaan stroom vir meditasie nie, maar vir my het dit net oortuig om weg te bly van plekke waar dit so warm is!
‘n Lekker fliek, maar nie een wat ek sal onthou tot in die ouetehuis nie. En ek het van die heel oudste en onaantreklikste manlike karakter die meeste gehou! (Richard from Texas)
Lees meer by http://www.imdb.com/title/tt0879870/

 

Sleutelwoorde: , , ,

Aanstap …

Op hierdie toggie in die buiteland het ek weer eens agtergekom wat ‘n positiewe effek dit op my het om my een voet herhaaldelik voor die ander te sit … Ja, doodgewone stap.
Dis die goedkoopste manier om enige nuwe plek te verken. Dis die manier waarop jy die naaste aan die mense rondom jou kom. Jy kan die geure en kleure en klanke eerstehands ervaar. Jy kan daarop reageer as jy wil – of jy kan swyg en aanstap en maak of jy niks gewaar nie. (Terwyl jou antennatjies in werklikheid oortyd werk).
Stap maak ongelukkig nie juis maer nie (behalwe as jy dit regtig vreeslik ernstig opneem), maar dit help beslis keer dat die vetjies nie te vinnig aanpak nie. En dit maak ‘n mens definitief fiks genoeg om die lewe te geniet en beweeglik te bly wanneer die jare begin aanstap (no pun intended!). Daai ou storie van die endorfiene is definitief ook waar – die meeste buie verdamp vinnig voor ‘n lekker energieke stapsessie, verkieslik op ‘n mooi plek. Waarvan ons mos in SA genoeg het – net jammer die veiligheid is nie meer daar nie. En dis wat vir my die heerlikste is hier – ek stap op tye en plekke waar ek nooit in SA sou gekom het nie. En nee, nie die rooiligbuurt nie – eenvoudig in stappaadjies in die woude. Daar is vir my min lekkerder dinge.
Ek het hierdie keer nog ‘n lessie bygeleer: Kry vir jou ‘n MP3-speler. Laai musiek daarop wat vir JOU mooi is – en bogger die res! Dit werk veral goed hier waar nie juis ‘n voellewe is om te beluister nie. Dit help vir stadsverkeer ook. Oppas net vir die volume  – ons wil nie almal doof-doof in die ouetehuis beland nie!
Intussen: Laat waai!

 

Sleutelwoorde: , , , , , , , ,

Random gedagtes: Die drang om te skep

Ek het tot die besef gekom in elke mens skuil daar die behoefte om iets te skep. Iets unieks, iets getrou aan homself. Dit hoef nie noodwendig groot en indrukwekkend of opspraakwekkend te wees nie. Dit moet net ietsie van die skepper hier laat agterbly as hy nie meer hier is nie. ‘n Klein stukkie van die ewigheid waaraan ons sterflikes net vlugtig kan raak. ‘n Klein, klein splintertjie lig uit die Skepper se groot uitspansel. Dit kan ‘n kind wees, ‘n boek, ‘n gehekelde kombersie, ‘n tafel vol watertand kos … Enigiets wat uniek en eiesoortig is.

Dalk is die vermoe om self iets te skep ‘n klein stukkie van Homself wat Hy ons gegee het, net om die lewe regtig die moeite werd te maak. Dalk is dit hoekom ons so naarstigtelik woel om iets van onsself agter te laat – omdat dit die naaste is wat ons ooit aan die goddelikheid kan kom. Dalk is dit waarheen ons so gejaagd aan die hardloop is. Nie agter plesier aan nie, maar agter die vreugde aan om iets sinvols hier agter te laat as ons die dag moet vertrek.

Self weet ek net ek het nog nie ‘n groter vreugde geken nie.

 

Sleutelwoorde: , , , ,

Random gedagtes: Die vrees vir sukses

Ons weet (hopelik) die vrees vir verwerping is in die meeste mense se lewe die grootste ding wat hul weerhou daarvan om enigiets aan te pak. En as ‘n mens nooit iets nuuts aanpak nie, gaan jy ook nooit iets bereik nie. Wat natuurlik daartoe lei dat jy nooit jou volle potensiaal bereik nie – en ook dalk dat jy maar min vir jou medemens beteken.

Wat vir die een persoon verwerping is, raak die ander dalk glad nie … Lees verder by https://altacloete.wordpress.com/random-gedagtes/die-vrees-vir-sukses/

 

Sleutelwoorde: , , , , , , ,

Liefde (Woorde van krag 1)

Liefde is ‘n woord wat baie goedkoop geword het – almal gebruik dit na willekeur. God se liefde is egter baie spesiaal omdat Hy verstaan dat dit iets kos – sy Seun! Daarom word Joh. 3:16 oor die hele wereld heen as die kernvers van die Bybel beskou: “God het die wereld so lief gehad dat Hy sy enigste Seun gegee het, sodat die wat in Hom glo, nie verlore sal gaan nie maar die ewige lewe sal he.

 
5 Kommentaar

Posted by op 21/05/2010 in Geestelik, Inspirasie, Spiritueel

 

Sleutelwoorde: , ,

Waarheid (Woorde van krag 2)

Wanneer Jesus se: “Ek is die weg en die waarheid en die lewe,” (Joh. 14:6) wil Hy ons laat verstaan dat waarheid ‘n goddelike eienskap is. Daarom mag ons ons lewe aan Hom oorhandig. Die waarheid bring bevryding.

 
 

Sleutelwoorde: , ,

Inskiklikheid (Woorde van krag 3)

Inskiklikheid is nie ‘n gewilde keuse nie. Om die ander wang te draai, om die tweede kilometer saam te stap, lyk vir die wereld na ‘n vorm van swakheid. As Christene is ons egter deel van God se Koninkryk waar soepelheid en inskiklikheid ‘n belangrike rol speel. Hierin het God die beste voorbeeld gestel. Hy was nie fanaties oor sy posisie nie, maar Hy was buigsaam genoeg om sy Seun vir ons sondes te offer. “Wees inskiklik teenoor alle mense. Die Here is naby.” (Fil. 4:5)

 
 

Sleutelwoorde: , , ,

Hoop (Woorde van krag 4)

Die spreekwoord se: Waar daar lewe is, is daar hoop. Iemand het hierdie woorde anders geskommel dat dit so lees: Waar daar hoop is, is daar lewe. Hoop en versekering op die ewige lewe help my om vandag sinvol te leef. “Om te glo, is om seker te wees van die dinge wat ons hoop, om oortuig te wees van die dinge wat ons nie sien nie. (Heb. 11:1)

 
 

Sleutelwoorde: , , ,

Vrede (Woorde van krag 5)

Dawid sing in Psalm 23:2 dat die Here hom by “waters waar daar vrede is” bring. Jesus se in Joh. 14:27: “Vrede laat Ek julle na; my vrede gee Ek vir julle. Die vrede wat Ek vir julle gee, is nie die soort wat die wereld gee nie.” God se droom vir die wereld en vir jou en my is vrede wat alle verstand te bowe gaan.

 
 

Sleutelwoorde: , , ,

Geloof (Woorde van krag 6)

Geloof is nie iets wat jy kan ontwikkel nie; God het dit in jou geplant sodat jy dit kan gebruik om jou lewe te rig op iets of Iemand waarop jy volledig kan staatmaat. “Om te glo, is om seker te wees van die dinge wat ons hoop, om oortuig te wees van die dinge wat ons nie sien nie.” (Heb. 11:1) Geloof stel jou in staat om 100% op God te vertrou vir dit wat jy vandag nodig het en vir dit wat jy in die lewe hierna nodig het.

 
 

Sleutelwoorde: , , ,

Eerbied (Woorde van krag 7)

Elke mens is geskep om eerbied en ontsag vir ‘n opperwese te he. Danksy Jesus Christus weet Christene dat daar net een ware God is. Dit is ‘n voorreg om voor Hom te buig, Hom te verkondig en om jou hele lewe aan Hom oor te gee. “Maar vir julle wat eerbied het vir my Naam, sal die son van redding skyn met genesing in sy strale. Julle sal vry word en bokspring soos vetgemaakte kalwers.” (Mal. 4:2)

 
 

Sleutelwoorde: , , ,

Genade (Woorde van krag 8)

Vir baie mense is dit die kragtigste woord in die Bybel. Vir genade kan of hoef jy nie te werk nie. Die Here het vir Paulus gese: “My genade is vir jou genoeg. My krag kom juis tot volle werking wanneer jy swak is.” (2 Kor. 12:9) Dit is opmerklik dat die laaste teks in die Bybel so lees: “Die genade van die Here Jesus sal by almal wees.” Op. 22:21

 
3 Kommentaar

Posted by op 18/05/2010 in Geestelik, Inspirasie, Spiritueel

 

Sleutelwoorde: , , , ,

Troos (Woorde met krag 9)

Niemand kan jou troos soos ‘n ma nie. In Jes. 66:13 staan geskryf: “Soos iemand wat deur sy moeder getroos word, so sal Ek julle troos …” Die Heilige Gees word ook die Trooster genoem, want Hy is soos ‘n ma wat jou wil help in nood. Mense wat sonder die Here lewe, verkeer in die grootste nood Die beste nuus lees ons in God se troosboek, die Bybel: “Dit is my troos in my ellende, dat u belofte my in die lewe hou.” (Ps. 119:50)

 
Lewer kommentaar

Posted by op 17/05/2010 in Geestelik, Spiritueel

 

Sleutelwoorde: , , , ,

Vergifnis (Woorde met krag 10)

Vergewe en vergeet! Ons vergewe (soms) maklik, maar vergeet is ‘n ander saak. Genadiglik dink God anders oor vergifnis. In sy verlossingsplan bied Hy ‘n volmaakte oplossing: Hy straf nie die mensdom vir hulle sonde nie, maar straf sy eie Seun, Jesus Christus, in ons plek. Niemand besing dit beter as Dawid nie: “So ver as die ooste van die weste af is, so ver verwyder Hy ons oortredinge van ons af.” (Ps. 103:12)

 
Lewer kommentaar

Posted by op 17/05/2010 in Geestelik, Spiritueel

 

Sleutelwoorde: ,