RSS

Category Archives: Reis

Ek is ‘n vrekbang reisiger, maar die ervaring is telkens die vrees werd

Die prys van ‘n glimlag

TandDie storie van die tand is op die agterblad van rooirose gepubliseer. Nou is ek sommer weer hartseer oor dié lieflike tydskrif en al die ander wat onder tante Rona gesneuwel het. 

Australië is die heel laaste land wat sy ooit wil besoek, sê ‘n berese vriendin. Ek stem heelhartig saam. Dis ‘n vervelige land. Ek weet, ek was al daar. Teenoor die Reënboognasie kom die Aussie-samelewing maar bra vaal voor.

Onthou net: Vervelig is veilig, sê my wyse geliefde.

Ten spyte van my wilde uitsprake, bevind ek my onlangs weer in Australië. Wanneer ‘n kans hom voordoen, moet mens dit tog maar vat, of hoe? So beland ek op ‘n maandlange toer saam met my immer-energieke, stuit-vir-niks geliefde. Ek kry vlugsiekte op een lang vlug en iets in die rigting van ‘n paniekaanval op die ander. Ek raak moeg en befoeterd en ek mis die Read the rest of this entry »

 

Sleutelwoorde: , , , , ,

2017: Die oppe en die affe

Sommer ‘n klompie random gedagtes, in geen spesifieke volgorde nie. Net vir ingeval dit vir iemand iets kan beteken, nie om te wys hoe oulik ek is nie. Want ek is nie. Ek is ‘n soekende siel wat hard probeer sin maak uit die lewe.

  • My alreeds leë nes het emosioneel gesproke nog leër geword. Dit was miskien die moeilikste ding van die jaar. ‘n Troue plus ‘n tesis het sy tol geëis. Maar ek is vasberade om nie ‘n needy ma te wees nie. Al bars dit.
  • Twee familielede ‘n maand uitmekaar verloor. Albei skokkend onverwags. Intens bewus van verganklikheid en die tydelikheid van alles en almal.
  • Die gevaar van selfbejammering deeglik besef. Siestog, arme ek sonder kleinkinders – en met geen kind in die land nie. Maklikste manier om jouself die afgrond in te stuur.
  • Die krag van dankbaarheid. Al moet jy dit forseer. Tree vir tree soggens terwyl die lyf én die gees nog in die bed wil lê en hulself jammer kry: Dan-kie-dan-kie-dan-kie …
  • Die gevoel van buite beheer wees wat angs meebring. Skrikwekkend.
  • Die genade van die regte medikasie.
  • Die genade om te sien my besluit om voorlopig op romanses te konsentreer, was die Romanse in Rock_low reskorrekte een. Die skryf en publikasie van ‘n paar plesierige liefdesverhaaltjies met lieflike, feilbare helde (feilbaar, maar steeds beeldskoon).
  • Die geleentheid van Lapa om verskillende lengtes verhale te skryf (novelle vir tydskrif, kort romanse vir Romanza Singles en lang SuperRomanza). Dit kom neer daarop om teen verskillende tempo’s elke keer die held en heldin GELOOFWAARDIG by mekaar uit te bring. Jy kan nie die storie bloot vroeër of later afsny nie. Die storie moet sy natuurlike loop neem en tot ‘n bevredigende einde kom teen die regte woordtelling. Nie so maklik nie.
  • Die voorreg om elke keer ‘n lieflike held te skep, heerlik op hom verlief te raak – en te weet my ware held is steeds fiks en gesond en kom saans steeds getrou huis toe.
  • Die lekkerte van ‘n bundeltjie met drie van my ouer romanses in een.
  • My geliefde Springsteen het voortgegaan om nuwe uitdagings die hoof te bied en 2013 Heroes 2.jpgmy te inspireer. Die grasie waarmee hy sy solo-vertonings op Broadway hanteer het my laat voel ek kan dan seker my ou klein stappies vorentoe ook aangryp.
  • Een hiervan was die optree as onderhoudsvoerder by ‘n ander skrywer se boekbekendstelling. En volgende jaar dieselfde by die Woordfees. Met ‘n manlike skrywer wat ek nie persoonlik ken nie.
  • ‘n Paar keer se wegsink in die dieptes van depressie. En genadiglik elke keer weer die opstaan en gryp na die lig. Mens leer die lig regtig, egtig waardeer.
  • Die skokkende effek wat die selfdood van Dana Snyman se verloofde op my gehad het. (Ek ken nie vir hom of haar persoonlik nie, maar ek ken sy skryfwerk goed.) Dit het my laat wonder oor die effek van ander mense se selfdood op depressievegters in die algemeen. Ek vermoed dit word heeltemal onderskat.
  • My leesprojek in die hospitaal het ‘n paar oppe en heelwat affe gehad. Dis nie so maklik om tweeuur op ‘n somermiddag aan te tree as niemand jou kontroleer nie, niemand jou toejuig nie en niemand ekstaties reageer op jou storietjie nie. (Die kinders is dikwels so getraumatiseer dat hulle min reaksie toon.) ‘n Blinkigheidjie in die ogies, ‘n skelm glimlag is dikwels my enigste beloning. Maar dan is daar die enetjie wat skaterlag vir die storie en die enetjie wie se ma entoesiasties vir hom die Xhosa-woorde sê as ek die prentjies wys.
  • ‘n Klein stukkie van die wêreld in ‘n staatshospitaal het voor my oopgegaan. Dis ‘n harde wêreld met baie moeë ma’s wat dae en weke langs hul kinders se bed omwag op die wiele om stadig te draai. Sonder iets om te doen, dikwels sonder enige ondersteuningsisteem.
  • My en ‘n vriendin se voorleesprojek by twee speelskole in die township het gemengde vreugde gebring. Die kinders is versorg en vrolik en gretig vir stories. Maar o, vandag se kiddies is woelig!
  • My werk met graad R-kleintjies wat agter is, het my hart gebreek. En my die gesig van ‘n skool in die township gewys. Daar is goeie en slegte kante aan daardie gesig. Daar is veral baie blink ogies wat aandag soek, liefde soek, stimulasie soek. Daar is talle kleintjies wat net met intensiewe begeleiding (miskien) suksesvol deur hulle skooljare gaan kom. Ek is glad nie seker ek het ‘n betekenisvolle verskil gemaak nie. Maar ten minste het hulle ‘n uur per week se liefdevolle aandag en stimulasie gekry, al is dit ‘n druppel in ‘n groot, groot see.

AS JY IN DIE PAARL WOON EN NET DIE KLEINSTE BEGEERTE HET OM IEWERS VIR ‘N KIND IETS TE BETEKEN, KONTAK MY ASB. OOR HIERDIE VRYWILLIGERSWERK. Hoe meer ons is, hoe ‘n groter verskil kan ons maak.

  • My betrokkenheid by Paarl Homeless Cats het nog ‘n nuwe wêreld vir my oopgemaak. Ja, daar is mense wat hulle tyd (en geld) opoffer om katte wat niemand wil hê nie, te versorg, met moeite te vang en te laat steriliseer. Daar is mense wat wilde babakatte foster en makmaak en vir hulle huise soek. Daar is goeie siele by besighede wat rondloperkatte voer en ons kontak vir die vang en die steri. Ja, daar is ‘n veearts wat dikwels ‘n Saterdag opoffer om katte teen die minimumkoste te “doen.”
  • Onvermydelik het ek ontdek my hart het plek vir nog katte. Die huis en die erf ook. IMG-20171201-WA0017.jpgDie swart-en-wit orkaantjie het ek uitgesoek en makgespeel. Die tabby-en-wit lady wat letterlik op death row was, het eenvoudig net weer en weer oor ons pad gekom. Ons kan steeds nie glo niemand wou haar hê nie.
  • In Junie was daar die afskeid van ons geliefde Hilde. Amper tien jaar se lief en leed. Henri arboretumVyf jaar se saamleef met die wete van die onvermydelike einde. Die afskeid – die prys van die liefde. (En die professionele deernis van die veearts en sy mense.)
  • ‘n Maandlange reis deur Australië aan die sy van (of eintlik so ‘n tree of twee agter) 20170702_145039.jpgmy onvermoeibare, rotsvaste, kalm man. Ja, dis ‘n vreeslike vervelige land. Maar dis ook vol skoonheid en lieflike mense. Dit was vermoeiend, maar kosbaar. (En die storie van die tand het reeds sy weg gevind in twee publikasies.)
  • Die insluit van my storie Nagmusiek in ‘n bundel met kortverhale uit rooirose het my nie ryk gemaak nie, maar baie plesier verskaf. Die dagboek van LAPA met twee (baie kort!) aanhalings van my werk, was ook ‘n lekker verrassing.
  • En toe kom die liewe Lea. Vermoedelik tien jaar oud, gewoond aan min aandag en IMG-20171223-WA0003.jpgstimulasie en liefde, sag en gedwee. En sy vee ons voete onder ons uit. Sy floreer – en ons floreer. Sy mag dalk selfs die hoogtepunt van die jaar wees.
  • Die konsep van rou kos vir jou hond kom toe onverwags weer oor my pad, na ek tien jaar gelede al daarvan oortuig was, maar nie kans gesien het vir die moeite en die gemors nie. Nou eet Lea Doggobone se voorafbereide, gebalanseerde rou kos. En sy floreer. En dis goedkoper as die veeartskos wat ek die laaste tyd vir Hilde gegee het en waarop ek nie regtig enige verbetering gesien het nie.
  • Saam met Lea en die katte het die wete gekom dat ek nie reg is vir afskaal en kleiner gaan nie. Of die lyf gaan byhou, sal ons maar moet sien. Maar die gees floreer.
  • En dan was dit natuurlik die jaar van die droogte. As Karoo-kind is die konsep om spaarsaam met water te werk, nie vir my vreemd nie. Maar nou funksioneer ons op ‘n heel ander vlak. Elke druppel tel. En ons kom agter mens kan baie goed so leef. Die skrikwekkende situasie het ook sy positiewe kant: dankbaarheid vir wat ons nog altyd as vanselfsprekend aanvaar het, ‘n nuwe bewustheid van die broosheid van ons aarde en hoe ons haar verniel.

Nou is ek moeg. Daar was nog kleiner vreugdes en smarte. Maar my oorheersende ervaring is een van dankbaarheid en die gevoel dat die winste tog meer was as die verliese.

 

Sleutelwoorde: ,

Manchester – 22 Junie

  1. Manchester is eintlik ‘n pragtige stad – as ‘n mens tyd sou gehad het.
  2. Dit reën gereeld in Manchester. Soos op al die plekke waar ons was.
  3. Wonderlik dat daar spesiale busse stadion toe loop – maar waarom steek die mense hulle aan die anderkant van ‘n yslike gebou weg?
  4. Reën wat deur wind aangedryf word, maak nog natter as regaf reën.
  5. Etihad Stadion is nogal groot en indrukwekkend. Al beïndruk sokker jou Read the rest of this entry »
 
 

Sleutelwoorde: , , , , , ,

Sunderland – 21 Junie 2012

Bruce Springsteen

Bruce Springsteen (Photo credit: Alex Hempton-Smith)

Vinnige aantekeninge teen 1:00 die volgende oggend:

  1. Drome kan regtig waar word.
  2. Die werklikheid kan nog beter as die droom wees.
  3. Ek kon weer soos ‘n kind na iets uitsien – en nie teleurgesteld wees nie.
  4. Bruce Springsteen gee ALLES vir sy gehore – elke keer.
  5. ‘n Dag van veertien ure is heeltemal doenbaar.
  6. Ook as omtrent elf van hulle op jou voete is.
  7. Twee klein sjerries knap voor middagete help nogal.
  8. Ek kon nog nooit staan nie.
  9. Nou weet ek ek kan.
  10. Ook vir ses ure in die reen.
  11. Ook vir so tussen vyf en ses ure Read the rest of this entry »
 

Sleutelwoorde: , , , , ,

Junie 2012: Edinburgh

  1. Eerste indrukke is gewoonlik blywend.
  2. Ons eerste indrukke was van reen en padverleggings.
  3. Maar dis nie al wat ons hier sal wegneem nie.
  4. Ons koppe kan steeds nie lekker vat hoe OUD dinge hierrond is nie.
  5. Dis lekker om te weet ‘n kasteel hou oor jou wag.
  6. Al is daar ‘n lelike muur en ‘n stegie met baie sigarettoppies tussen julle.
  7. ‘n Mall is ‘n mall is ‘n mall.
  8. Maar hier is jy nie gewaarborg van ‘n PnP aan die een punt en ‘n Woolies aan die ander punt nie.
  9. Wel van ‘n Royal Mile met ‘n kasteel aan Read the rest of this entry »
 
2 Kommentaar

Posted by op 19/06/2012 in Bruce Springsteen, Reis

 

Sleutelwoorde: , , , , , , , ,

Dagboek van ‘n depressievegter: Om beheer te verloor

Hierdie post is omtrent agtien maande gelede geskryf. Die situasie het verander, maar die waarheid bly staan: mens het nodig om te voel jy is (minstens tot ‘n mate) in beheer van jou lewe. (Die foto is in Edinburgh geneem en het nie veel met die post te doen nie, behalwe dat ek toe daar was.)

Om (ten minste ‘n aanvaarbare mate van) beheer oor jou lewe te behou, is ook ‘n basiese menslike behoefte wat wyd erken word. (Kyk gerus na die laaste punt by hierdie skakel.)

Om beheer te verloor, is nie noodwendig iets dramaties of traumaties nie.

Dit kan selfs vir ‘n rukkie lekker wees.

Soos wanneer jy saam met twee slim en gawe en bekwame (en dierbare) mansmense saam toer en hulle letterlik alles bekwaam hanteer.

Vir ‘n dag of wat is dit heerlik om nie eens kos hoef te maak nie. Of te bestuur nie. Of te navigeer nie.

En dan begin jy kriewel.

Want skielik kry jy die gevoel jy verdien nie eintlik Read the rest of this entry »

 
 

Sleutelwoorde: , , ,

Dagboek van ‘n depressievegter: Om nodig te wees

Om NODIG te wees (of ten minste nodig te VOEL), is een van die basiese menslike behoeftes. (Sien punt 6 by hierdie skakel)

Dit laat dink my aan my bejaarde ou moeder wat amper manies bang was vir nutteloos word. En meer nog – om ‘n las vir andere te word. Nou verstaan ek dit beter. En is ek nog meer dankbaar sy is dit gespaar.

Die afgelope twee weke het ek tot my skok ontdek presies hoe groot hierdie behoefte aan nodig wees (of nodig voel) is.

Ten spyte van die voorreg om saam met my geliefdes te toer en wonderlike plekke te sien, het die depressieduiwel gou-gou sy intrek op my skouer geneem en moes ek veg dat dit bars.

Natuurlik het dit my ongelooflik Read the rest of this entry »

 

Sleutelwoorde: , , , ,

Junie 2012: Laaste skof tot in Edinburgh

  1. Wanneer die dringende aktiwiteit en grootste krisisse agter die rug is, skop die moegheid in.
  2. En die geheue verlaat die woning.
  3. Net beelde van baie groen berge en baie water en baie skape bly.
  4. Beelde wat met verloop van tyd nog baie kosbaar gaan word.
  5. Inverness het sy agterkant vir ons gedraai.
  6. Behalwe vir die winkeltjie met die (onbekostigbare en breekbare) cute skapies.
  7. Die Skotte is nadenkend genoeg om net so twee doedelsaknommers op hul compilations vir toeriste te sit.
  8. Daar is hier en daar ‘n man wat goed lyk in ‘n Read the rest of this entry »
 
8 Kommentaar

Posted by op 16/06/2012 in Reis

 

Sleutelwoorde: , , , , , ,

Junie 2012: Isle of Skye

  1. Ek kan verstaan waar die plek sy naam gekry het.
  2. Jy voel die hele tyd jy is bo-op die wereld met ‘n oorweldigende hoeveelheid lug rondom jou.
  3. ‘n Verlate, wilde wereld – vol toeriste wat op die gladde teerpaaie rondjaag.
  4. Die gladde teerpaaie is egter meestal net eenrigting – met uitdraaiplekke wat soms tot avontuurlike oomblikke lei.
  5. Dalk is dit so beplan spesiaal om menseverhoudings te bevorder – almal lig darem vir Read the rest of this entry »
 
2 Kommentaar

Posted by op 15/06/2012 in Reis

 

Sleutelwoorde: , , , , , , ,

Junie 2012: Skotse Hooglande

My heel lekkerste dag voel alreeds soos ‘n week gelede, ipv ‘n dag … Te veel indrukke, te veel prente in my kop.

  1. Loch Lomond se muggies skrik nie vir koue nie.
  2. Ook nie vir beledigings of klappe nie.
  3. Die res van Skotland se muggies is nie minder dapper (of dom) nie.
  4. Mense ervaar dinge en plekke op verskillende maniere.
  5. Niemand is reg of verkeerd nie.
  6. Begrip vir mekaar dui op Read the rest of this entry »
 
2 Kommentaar

Posted by op 13/06/2012 in Reis

 

Sleutelwoorde: , , , , ,

Junie 2012: ‘n Afskeid en ‘n ontmoeting

  1. Natuurlik is dit die moeder des huises wat so graag nog wou blog voor ons ry, se skuld dat die kleine (maar broodnodige) adaptor toe in die muur agterbly. 
  2. Genadiglik is niemand gemeen genoeg om dit so te stel nie.
  3. Natuurlik ontdek ‘n mens dit eers die aand na 23:00 in die enigste werklik ongerieflike jeughostelkamer waar ons nog gebly het. 
  4. En soek tot middernag.
  5. Want die lys gadgets waarvoor daai adaptors (ja, daar was twee!) nodig is, is so lank soos my voorarm.
  6. En die individuele vlakke van Read the rest of this entry »
 
6 Kommentaar

Posted by op 11/06/2012 in Reis

 

Sleutelwoorde: , , , , ,

Junie 2012: Moher na Gleann Colm …. whatever :)

  1. Mans is oor die algemeen dierbare goed en ek is BAIE lief vir die twee saam met my.
  2. Maar soms het ‘n vrou ‘n ander vrou se geselskap nodig. Dringend.
  3. White pudding is lekkerder as black pudding.
  4. En nie net omdat jy weet waarvan die swart variasie gemaak word nie.
  5. ‘n Koue stort as dit buite 9 grade is, is geen grap nie.
  6. Gelukkig werk die verhitting.
  7. Konstante reen bring meer voordele as dat dit die land groen maak.
  8. Dit bring o.a. minder fotogeleenthede.
  9. En daarom dae wat nie eers teen 22:00 tot ‘n einde kom nie.
  10. Die pub scene op ‘n reenerige Vrydagaand in Gleann Cholm Cille is dood.
  11. Amper morsdood. Behalwe vir die twee broers wat Iers met mekaar praat. En die nat hond.
  12. Die inheemse taal is veel lewendiger as wat ek gedink het.
  13. Ek vermoed die pub scene is op sy lewendigste waar dit vir toeriste aangewend word.
  14. Whiskey is net so sleg soos bier.
  15. Maar dis nie so BAIE nie.
  16. En dit gee jou darem ‘n warm fuzzy feeling op die krop van jou maag.
  17. Ek wonder hoekom hulle nie OBS hierrond drink nie.
  18. Die wilde landskappe hier in die noorde spreek my meer aan as die fuschia oorgroeide lanings van die suide.
  19. Die smal paaie van Ierland is regtig smal.
  20. Youth hostels is nie (meer) net vir die jeug nie.
  21. Ek is baie dankbaar die hoesende kleintjie hier oorkant is nie myne nie.
  22. Reis is ‘n voorreg.
  23. Om ‘n huis te he om na terug te gaan, is ‘n nog groter voorreg.
 
3 Kommentaar

Posted by op 09/06/2012 in Reis

 

Sleutelwoorde: , , , , , ,

Junie 2012: Blarney tot iewers naby Cliffs of Moher

  1. Agt en veertig uur sonder internet is swaar op die gestel van ‘n verslaafde.
  2. Die weersiens is soet en salig.
  3. Die koevertjies met suurlemoengoedjies vir koors werk sommer lekker vir aandtee ook, by gebrek aan regtige tee.
  4. Een man met ‘n kamera is nog hanteerbaar, maar TWEE van hulle – dit vat aan ‘n vrou.
  5. Ek-tyd en slaap is eintlik al wat nodig is vir ‘n vinnige herstel.
  6. Ek dink net die faeries kan in hierdie land 100 ry oral waar Read the rest of this entry »
 
8 Kommentaar

Posted by op 06/06/2012 in Reis

 

Sleutelwoorde: , , , , , ,

Junie 2012: Dublin – Blarney

  1. ‘n 23-jarige siek kind is nog net so ontstellend as ‘n driejarige.
  2. Hulle herstel ook dankie Vader tog net so vinnig.
  3. Roosterbrood en flat Coke bly ‘n treffer.
  4. ‘n Ierse ontbyt is waarskynlik bedoel vir boere wat bedags hard werk en energie verbruik.
  5. Dublin kan skielik in ‘n nag so draai dat ‘n mens die volgende oggend min kan vind van wat die vorige aand oral rondom jou was. 🙂
  6. Dis nie so maklik om aan ‘n GPS gewoond te raak as jy vir veertig jaar op jou verstand, jou sin vir rigting en jou kaartleesvermoens Read the rest of this entry »
 
3 Kommentaar

Posted by op 05/06/2012 in Reis

 

Sleutelwoorde: , , , , , , ,

Junie 2012: Dublin

Weer ‘n paar gedagtes:
  1. Dis goed om vroeg op ‘n lughawe te wees … vir onvoorsiene gebeure.
  2. Soos ‘n tas se rits wat skielik besluit genoeg is nou genoeg.
  3. Gelukkig is daar iets soos wrapping.
  4. As ‘n mens heel eerste die mislikste Ier in Dublin ontmoet, is die res almal ‘n geweldige verbetering.
  5. Veral die aantreklike Romeen wat die skreeupers tas aan my verkoop het (en nee, dit was nie my tas se rits nie).
  6. ‘n Mens kry hier ook Read the rest of this entry »
 
4 Kommentaar

Posted by op 03/06/2012 in Reis

 

Sleutelwoorde: , , , , , ,

Junie 2012: London

‘n Paar indrukke …

  1. ‘n Mens se eerste moltreinrit na baie jare is baie lekker.
  2. Die twintigste is nie meer snaaks nie.
  3. Maar die stelsel is steeds doeltreffend (en relatief eenvoudig – mits jy natuurlik oplet).
  4. ‘n Tas met wielietjies klim nie goed trappe nie.
  5. Die Eye of London lyk vir my darem te stadig. Ek klim graag wilde perde … 🙂
  6. ‘n Mens kry ‘n bier met die naam Oranje Boom. En dis nie so erg bitter nie.
  7. Honde stel my in staat om met enige vreemdeling te begin praat.
  8. My travel buddy is ook ‘n goeie aanknopingspunt.
  9. Hy het ook nie in die Teems beland nie.
  10. St Paul‘s is nog mooier as jy rustig kan sit en na ‘n diens en kooruitvoering luister ipv agter ‘n gids se sambreel aandraf.
  11. Die prys van ‘n hotdog laat jou honger vinnig verslaan.
  12. Te veel toeristedinge op ‘n dag laat jou vinnig afstomp.
  13. Dit help om stapfiks te wees.
  14. Vreeslik baie mense is Read the rest of this entry »
 
3 Kommentaar

Posted by op 02/06/2012 in Reis

 

Sleutelwoorde: , , , , , , , ,

Fliek: The best exotic marigold hotel

‘n Groepie stywelip Engelse bejaardes vertrek uit Brittanje om te gaan aftree in dié hotel in Indië.  Daar is ‘n goeie lydsame man en sy ontevrede vrou wat al hul geld in hul dogter se besigheid verloor het. Daar is die kwaai tannie wat ‘n heupvervanging moet kry en om die waglys in Brittanje te vermy, haarself met wrewel en vrees oorgee aan ‘n opsie wat in Indië beskikbaar is (vermoedelik ‘n soort opleidingshospitaal). Daar is die gay oud-regter wat na sy jeugliefde kom soek, die mannejagter, die weduwee wat nog nooit iets op haar eie onderneem het nie. O ja, en die rokjagter wat smag na ‘n laaste nag van passie.

Die Best Exotic is ‘n (wonderlik fotogeniese) amper-ruïne met ‘n begeesterde Read the rest of this entry »

 
5 Kommentaar

Posted by op 20/04/2012 in Humor, Reis, Suid-Afrika

 

Sleutelwoorde: , , , , , , , , , ,

Ek leef nog!

Ek is veilig en dankbaar terug van ‘n wonderlike tyd saam met my kinders in Noorweë. Ek hoop om die stilswye op die blog so gou as moontlik so deeglik as moontlik te verbreek. Sodra ek my fokus iewers gevind het … 🙂
Die foto toon maar een van die ongelooflike tonele waarvan ek nie kon genoeg kry nie. Henri was die knap fotograaf. Kliek op die beeld om te vergroot.

 
Lewer kommentaar

Posted by op 13/01/2012 in Foto's, Reis

 

Sleutelwoorde: , , ,

Geliefde land

Vir wonderlike foto’s van die Sederberge en omgewing, gaan na

http://www.panoramio.com/user/4761793?with_photo_id=58716299

 
Lewer kommentaar

Posted by op 12/09/2011 in Foto's, Reis, Suid-Afrika

 

Sleutelwoorde: , , , ,

Seerowers, kameelkoppe en chillies vir tee – Ilse Salzwedel

Ons voorouers het oor die Drakensberge getrek toe dinge hulle nie meer aangestaan het nie. Deesdae trek mense oor landsgrense heen, maar vir meer as een rede – regstellende aksie, die resessie, misdaad, die liefde en beter geleenthede … Met hierdie boek wil ons weet waarom Suid-Afrikaners hulle hele lewe oppak om in ‘n ander, soms wildvreemde plek met wildvreemde kulture te gaan oorbegin. En natuurlik ook wat Suid-Afrikaners mis en of hulle dit weer sal doen. Die stories is plek-plek skreeusnaaks en baie interessant, en op ander plakke hartroerend eerlik.
Tot sover die agterbladteks van Seerowers, kameelkoppe en chillies vir tee. Die boek vertel die verhale van ‘n klomp baie uiteenlopende mense wat om baie uiteenlopende redes op baie uiteenlopende plekke gaan bly het. Party beplan om terug te kom, party wik en weeg, party sal nooit terugkom nie.
Wat my  sal bybly, is nie die avonture en die interessantheid van die mense Read the rest of this entry »

 
 

Sleutelwoorde: , , ,

Sommer vir die mooi …

http://www.panoramio.com/user/4761793

Read the rest of this entry »

 
Lewer kommentaar

Posted by op 06/07/2011 in Foto's, Reis, Suid-Afrika

 

Sleutelwoorde: , , ,

Foto van die dag (5)

Karoo-landskap
Fotograaf: S. Cloete Snr.

 
2 Kommentaar

Posted by op 25/05/2011 in Foto's, Reis, Suid-Afrika

 

Sleutelwoorde: ,

Random gedagtes: Feel the fear …

Ek is nie ‘n dapper muis nie. Inteendeel, ek is ‘n vrekbang muis. Ou Murphy is ook nogal woelig in my lewe – ek vermoed immer as dit kan, sál iets verkeerdgaan. Ek weet net nie wanneer en wat nie. Ek weet nie of dit in die gene of aangeleer is nie. Vermoedelik iets van albei. ‘n Familielid het onlangs gesê: “Ons klomp is mos vreeslike goeie mense, maar ons is nie besonder Read the rest of this entry »

 

Sleutelwoorde: , , ,

‘n Glimlag vir die Vrydag …

Wat my eintlik vang van die foto is dat dit so baie lyk na een van daardie veilige, beeldskone plekke in Europa of Skandinawië waar ‘n mens in die woud kan gaan stap sonder ‘n redelike kans om iets erger oor te kom as om moeg te word … Jammer, dis van die punt af. Die grappie is die hondjie, hoor!

 
1 Kommentaar

Posted by op 04/03/2011 in Humor, Reis

 

Sleutelwoorde: , , ,