RSS

Waar boosheid broei – Peet Venter

29 Jun

Waar boosheid broeiWaar boosheid broei is deel van ’n trilogie waarvan Dieper as die bloed en Ou Bloed die eerste twee boeke is. Hoewel die boeke so geskryf is dat dit apart gelees kan word, sal dit tog die leser baat om hulle van ʼn kant af aan te pak.
Peet Venter draai nie doekies om nie. Die pas in die verhale is vinnig en die gebeure is grusaam. Met sy gestroopte styl trek Venter die leser onverbiddelik in die verhaal in.
Thys Krige is weer eens die sentrale figuur. Hy is nie die gewone effens onbeholpe speurder nie, maar ʼn harde man wat besef hy lewe om mense dood te maak en dat sy drang daartoe selfs sterker is as die drang om die vrou in sy lewe te beskerm. Hiermee moet hy saamleef en die stilte binne homself vind.
In Waar boosheid broei word Krige uit ʼn tydperk van apatie en verveling geruk deur die geleentheid om in Zimbabwe te gaan ondersoek instel na die aanhouding van die joernalis Henk Human. Human is intussen vrygelaat, maar het geensins ongeskonde daarvan afgekom nie.
Vir hierdie leser was Human ʼn interessante newekarakter, veral wat betref die uitbeelding van die posttraumatiese stres waaraan hy ly en die probleme wat hy het om aan te pas, ten spyte van sy broer se pogings om dit vir hom makliker te maak. In ons samelewing vol misdaad en geweld is hierdie verskynsel dalk meer algemeen as wat mens besef.
Venter is ’n ingenieur wat nou met die Krige-boeke naam maak. Sy eerste roman, Die Alleenlopers, is in 1979 deur Nasionale Pers gepubliseer. Daarna volg ’n verdere nege werke, meestal speurrillers, asook kortverhale in ’n aantal bundels. ’n Verskeidenheid kort- en vervolgverhale verskyn ook in die destydse Keur.
Vir ’n oorsig oor Venter se skrywersloopbaan, gaan kyk gerus by http://www.litnet.co.za/Article/peet-venter-1940.

Advertisements
 
3 Kommentaar

Posted by op 29/06/2014 in Boeke, Lees, Skrywers, Suid-Afrika

 

Sleutelwoordw: , , , ,

3 responses to “Waar boosheid broei – Peet Venter

  1. ddupl3ss1s

    30/06/2014 at 07:22

    Ek wonder of ek die maag het vir ‘n Peet Venter ! Nogal gister met die boek in die hand gestaan en wonder is dit hy of Riëtte wat ‘n beurt kry..

     
  2. Thys van Zyl

    07/01/2018 at 15:44

    Ek het nou eers die boek gelees en hy is al in 2014 gepubliseer. Miskien is dit dan te laat vir kommentaar. Tog kan ek nie my teleurstelling vir die boek vir myself hou nie.
    Peet Venter is ‘n baie goeie skrywer en ek het werklik beter verwag. Die redenasies wat die karakters Thys, Robyn en die skurk Mentz in die boek toepas, onderskat egter die leser se intelligensie. Ek noem ‘n paar voorbeelde maar daar is baie meer.

    Voorbeeld 1: Robyn is ‘n suksesvolle joernalis wat as gevolg van opspraakwekkende stories in uiterste gevaar verkeer. Die volgende oomblik spring sy in ‘n helikopter met ‘n onbekende man na ‘n onbekende bestemming vir ‘n onbepaalde tyd.

    Voorbeeld 2: Mentz wag vir Thys in op sy plaas met slegs twee makkers terwyl hy weet hoe gevaarlik Thys is. Een van sy manskappe is nie ‘n soldaat nie maar ‘n loods. Mentz gebruik nie sy mannekrag of sy geld om homself te beveilig of voor te berei vir die aanslag nie. Boonop word ons ingelig dat Mentz ‘n goeie strateeg is.

    Voorbeeld 3: Robyn die gevangene is vry om rond te loop in haar plek van aanhouding maar doen niks om te ontsnap nie. Haar aanhouer slaap in dieselfde huis as sy. Sy dink nie eers daaraan om in die middel van die nag ‘n kombuismes te gaan haal nie………..

    Ek wil nie skrywers kritiseer nie, hulle doen wat ek glad nie kan doen nie en hulle bevorder ons taal en kultuur. Ongelukkig was die een net te dik vir ‘n daalder.

     

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s

 
%d bloggers like this: