Junie 2012: Isle of Skye

1. Ek kan verstaan waar die plek sy naam gekry het.
2. Jy voel die hele tyd jy is bo-op die wereld met ‘n oorweldigende hoeveelheid lug rondom jou.
3. ‘n Verlate, wilde wereld – vol toeriste wat op die gladde teerpaaie rondjaag.
4. Die gladde teerpaaie is egter meestal net eenrigting – met uitdraaiplekke wat soms tot avontuurlike oomblikke lei.
5. Dalk is dit so beplan spesiaal om menseverhoudings te bevorder – almal lig darem vir almal ‘n hand by die voorgeeslag.
6. Skape is rustige diere.
7. As hul met rus gelaat word.
8. Hulle raak so gewoond aan motors dat dit scary is (vir die motoris).
9. Highland beeste is nie so dikwels te siene nie.
10. Dalk het dit iets te doen daarmee dat hulle nie so sag en cuddly is soos hulle lyk nie?
11. Isle of Skye het blykbaar vir die afgelope drie weke ongelooflike mooi weer – en dit grens aan ‘n droogte.
12. Normaalweg reen dit blykbaar so twee keer per dag.
13. Die distillery se die water is min en hulle produksie is laag.
14. Volgens die gekultiveerde student is hulle whisky van hoe gehalte.
15. En volgens my  beteken “die smaak ontplof in jou mond” eintlik maar net dat dit jou tong brand. 🙂
16. Die Old man of Stor sal vir altyd in my geheue bly as ‘n plek waar ek vredig op my eie kon wees terwyl die manne mekaar in die bos verloor.
17. Die wilde landskappe hier in die noorde bekoor my nog steeds.
18. En die muggies skrik steeds nie vir koue pampoen nie.
19. En jeughostelle met dieselfde aantal sterre is nie noodwendig op dieselfde vlak nie.
20. Vandag oor ‘n week het ek en Nadia ons staan show agter die rug en vat ons die trein Manchester toe.